Žalospev Gaucelma Faidita v nárečí jazyka limousin

Fortzs chauza es, que tot lo maior dan
E‘l maior dol, las! Qu’ieu ancmais agues,
E so don dei totz temps plaigner ploran,
M’aven a dir en chantan e retrire,
Que sehl qu’era de valor caps e pair
Lo rics valens, Richartz, reys dels Engles,
Es mortz, ai dieus! quals perd’e quals dans es!
Quant estrange mot, e quant greu per auzir”
Ben a dur cor totz hom qui’l per suffrir.

Mortz es lo reys, e son passat mil an
Qu’anc tan pros hom no fo, ni no vi res,
Ni ja non fo mais hom del sieu semblan,
Tan larcs, tan pros, tan arditz, tals donaire,
Qu’ Alixandres, lo reys que venquet Daire,
No cre que tan dones ni tan messes,
Ni anc Charles ni Artus tan values,
Qu’ a toto lo mon es fes, qui’n vol ver dir,
Als us doptar et autres grazir

Meravil me qu’el fals secgle truan
Auza estar savis hom ni cortes,
Pus ren no I val belh ditz ni fait prezan,
E doncs per que s’esfors’ om pauc ni guayre?
Qu’era nos a mostrat mortz que pot faire,
Qu’a un sol colp a lo mielh del mon pres,
Tota l’onor, tot lo pretz, tot lo bes,
E pus vezem que res no I pot quabdir,
Beu deuriam meins duptar al murir.
Ai! Senher reys valens, e que faran
Hueinais armas ni gran tornei espes,
Ni ricas cosrt, ni behl donar ni gran,
Pus vos no I etz qu’en eras capdelaire?
Ni que faran li liurat a maltraire,
Sihl que s’eran ne vostre srvis mes,
Qu’atendion qu’el guazardon vengues?
Ni que faran sels que s degran aucir
Qu’avitaz faitz en gran ricor venir?

Avol vida e ples de mort auran
E tos temps dol, qu’en aussi lor es pres,
E Sarrazi, Turc, Payan e Persan,
Que us duptavon mais que hom nat de maire,
Cresseran tan d’orguelh tot lor afaire
Que plus greu n’er lo sepulcres conques,
Et dieus o vol, quar si’l non o volgues,
E vos, senher, visquessetz, ses menitir
De Suria los avengra a fugir.

Jamais non ai esperansa que I an
Reys ni princeps qui cobrar lo pogues
Pero tug sihl qu’el vostre loc seran
Degran saber cum fos de pretz amaire,
E qual foron vostre dui valen fraire,
Lo joves reys e’l cortes coms jaufres,
E qui en loc remanra de vos tres
Ben deu aver fin cor e ferm cossir

De trotz bos aips enansar e grandir.
Bel senher dieus, vos qu’etz vers perdobaire
Vers dieus, ver hom, vera vida meces,
Perdona li, que ops e cocha l’es,
E non gardetz, senher, al sieu falhair,
E member vos com vos anet servis.